Жұмыс орталығының бетбелгісін көрсету
Нұр-Сұлтанда Қазақстан Республикасының Цифрлық даму, инновациялар және аэроғарыш өнеркәсібі министрі Бағдат Мусиннің қатысуымен жоғары дәлдіктегі геодезиялық желінің жұмыс орталығын салу ұсынылды.
Естеріңізге сала кетейік, ағымдағы жылы «ҰГКАО» РМК Қазақстанның геодезиялық қамтамасыз етілуін жаңғыртуды және Qazaqstan Terrestrial Reference System жаңа координаттар жүйесін құруды көздейтін «Қазақстан Республикасының кеңістіктік деректерінің ұлттық инфрақұрылымы» жобасын іске асыруға кірісті.
Жаңа координаттар жүйесін құру спутниктік геодезиялық желі құру арқылы геоцентрлік жүйеге көшуді көздейді. Спутниктік геодезиялық желінің негізі іргелі астрономиялық-геодезиялық желі және жоғары дәлдікті геодезиялық желі пункттері болады.
Координаттардың жаңа жүйесін енгізу халық шаруашылығының барлық субъектілеріне, әлеуметтік-экономикалық дамуға, мемлекеттік басқаруға оң әсер етеді және осыған байланысты жұмыстарды сапалы әрі дәл етеді.
Қазақстан Республикасының мемлекеттік геодезиялық қамтамасыз ету жүйесін жаңғырту қазіргі заманғы спутниктік және ақпараттық технологияларды ескере отырып, Мемлекеттік Геодезиялық, нивелирлік, гравиметриялық желілерді дамытуды көздейді.
