ЕҰУ мен ҰГКАО-ның коллабы!
Білікті геодезистер мен картографтарды даярлауды жақсарту, оқу процесінің практикалық бағытын күшейту, сондай-ақ бірлескен ғылыми зерттеулер жүргізу және олардың нәтижелерін өндіріске енгізу мақсатында Л. Н. Гумилев атындағы Еуразия ұлттық университеті және Ұлттық геодезия және кеңістіктік ақпарат орталығы "Геодезия және картография" кафедрасының 6В07311 – "Геодезия және картография" және 7м07311 – "Геодезия" мамандықтары бойынша филиалын құрды www.qazgeodesy.kz.
Әлеуметтік жауапкершілік шеңберінде www.qazgeodesy.kz Университет түлектерін жұмысқа орналастырады, бакалаврлар мен магистрлерді нысаналы даярлау үшін қаражат бөледі, әлеуетті қызметкерлерді іріктеуді жүргізеді, өндірістік практикадан өту кезеңінде білім алушыларға уақытша жұмыс орындарын ұсынады.
Сондай-ақ, біз оқу сабақтары мен ғылыми зерттеулер жүргізу, курстық және бітіру жұмыстарын орындау, білікті қызметкерлерді тарта отырып, білім алушылардың практикасын өткізу үшін қажетті жағдайлар жасаймыз www.qazgeodesy.kz. Бұл ынтымақтастық болашақта университет ғалымдарын ғылыми зерттеулерді, тәжірибелік-конструкторлық және жобалық жұмыстарды жүргізуге, олардың нәтижелерін өндіріске енгізуге тартуға мүмкіндік береді.
Біз Қазақстанның әлемдік білім кеңістігіне интеграциялану үдерісін ілгерілетуге, саламызды бәсекеге қабілетті біліктілігі мен әлеуеті жоғары мықты мамандармен қамтамасыз ете алатын инновациялық технологияларды дамытып, педагогикалық тәжірибеге енгізуге ұмтыламыз!
Қазақстан Республикасының мемлекеттік геодезиялық қамтамасыз ету жүйесін жаңғырту қазіргі заманғы спутниктік және ақпараттық технологияларды ескере отырып, Мемлекеттік Геодезиялық, нивелирлік, гравиметриялық желілерді дамытуды көздейді.
